Ni 29.12.2022 dar 9:00am-ah Ch. Chhunga Bus Terminal, Thuampui, Aizawl atangin Pu Lalngilneia Colney, State Sectary-in Flag-off in min vai liam a Bus pahnihin Aizawl kan chhuah san. Kolasib atanga kal turte kan lam thlaa a tuk Ni 30.12.2022 dar 1:30pm-ah Guwahati tluang takin kan thleng. Hemi ni vek dar 2:30pm-ah Kamakhya Railway Station, Guwahati atangin Train-in Delhi panin kan chhuak a, kum hlui thlah zanah Train-a kan chuan laiin Pi Lalnunsiami Pachuau, Contingent Leader-in tawngtaina hun a hmanga kumthar atan inhlan tharna hun kan nei a ni. Guwahati atanga Delhi kan panna Train kan chuan chhung hian harsatna kan nei lova kan hlim hle a ni. Ni 1.1.2023 dar 12:30pm-ah Delhi kan thleng a, kumthar ni hian kan Rover Scout New Delhi a awm chuan kumthar Cake Scouts & Guides logo leh National Jamboree thuziak mawi tak chuanna Cake pahnih min rawn ngaituah sak a, Train Station-ah kum thar Cake zaina hunte kan hmang a, kan lawmin kan hlim dar dar hle a ni.
Ni 1.1.2023 zan 9:30pm-ah Jodhpur, Rajasthan panin Delhi kan chhuahsan a, a tuk 2.1.2023 dar 9:30am-ah tluang takin Jodhpur Rail Station kan thleng a, Jodhpur-ah hian Pu Biakthansanga Haulai (Sergion) te nupa leh Pu J.C. Lalthantluanga (Havilder) ten min lo hmuak a, anni hian kan kal hma leh kan awm chhung leh kan haw lam thlengin kawng engkimah min buaipuia an chungah kan lawm hle a ni.
Rajasthan Scouts & Guides-ten Jodhpur Rail Station-ah Jamboree a kal zawng zawng te breakfast min lo pe in Contingent Leader-te parthi nen min lo hmuak a, kan lawm hle a ni. Ni 2.1.2023 dar 11:00am ah Jamboree camp site tluang takin kan thleng a, registration kan tih fel hnuin Sub-camp lam kan pan a, choka mamawh inlamkhawm nan leh kan riahna tur intihfel nan nilengin hun kan hmang a ni.
Ni 4.1.2023 dar 2:30pm-ah 18th National Jamboree Inaugural Function neih a ni a, Mrs. Droupadi Murmu, President of India chu Chief Guest niin ropui takin Jamboree a hawng a ni.
Nitin kan hun hman dan tlangpui: Zing dar 6:00 am ah thoin BP six excersise te kan neih zawh ah Sub-Camp ah Flag breakna hun kan nei thin a. Nilengin intihsiakna leh Scouts & Guides activities hrang hrang tiin hun hman thin a ni a. Nitin tlai 5:30pm ah Contingent Leader meeting neih thin a ni bawk. Sub-Camp Chief kaihhruai nain Sub-Camp Contingent Leader meet pawh nitin neih thin a ni.
Ni 7th January 2023 ah Sight Seeing kan nei a, Jodhpur khaw chhunga hmun nuam leh hmun hlui te kan fang a, nuam kan tiin kan hlim hle a ni.
Ni 9th January 2023 dar 4:00pm-ah Jamboree Closing Function neih a ni a, Union Sports Minister Shri Anurag Singh Thakur chu khuallian niin 18th National Jamboree chu a khar a ni. Hemi zan 7:00pm ah Grand Campfire hun hman a ni a, hetah hian Folk Dance competition kan lo neih tawh atangin Region tin a ti tha ber thlan chhuah ten item neih tur a ni a. North East Region atanga item nei tur hian Mizoram thlan kan ni a, kan lawmin kan inchhuang ve hle a ni. A tuk Ni 10th January 2023 zing dar 8:00am ah camp kharna hun hman a nih hnuin 1:00pm-ah Jodhpur Train Station panin Jamboree Camp site kan chhuah san a, hemi ni vek dar 2:30pm-ah Guwahati panin Train-in Jodhpur kan chhuahsan a. Ni 12th January 2023 dar 4:30am-ah tluang takin Guwahati Mizoram House kan thleng a, Guwahati-ah hian Ni 13.1.2023 kan cham a, a tuk Ni 14.1.2023 dar 4:30pm-ah Aizawl lam panin Bus-in Guwahati kan chhuahsan a, a tuk Ni 15th January, 2023 tlai dar 5:00pm-ah Pathian hruaina leh awmpuina zarah tluang takin Aizawl kan thleng a ni.
Mzoram atangin Scouts 19, Guides 20 leh Leader 4 bak ah Organiser 6 leh Cook 1 kan kal a, kan vain mi 50 kan kal thei a ni. National Jamboree kan kal theihna tura hma min laksaka a tul ang ang min buaipuitu Pu K. Lalrohlua, MCS, State Chief Commissioner, Mizoram Bharat Scouts & Guides and Director, Sports & Youth Services chungah kan lawm tak zet a ni.
Jamboree kan kal hma atanga kan haw leh thlenga min buaipui tu leh min tawngtai puitute zawng zawng chungah thinlung takin lawmthu kan sawi mawlh mawlh e.
(LALNUNSIAMI PACHUAU)
Contingent Leader
