Dt. 25th April, 2024: Sport & Youth Services Department chuan Adventure Training Course chi hrang hrang training chhuak te hnenah Certificate sem chhuahna hun nei in. Pu Lalramsanga Sailo, IRS, Secretary, Sports & Youth Services chuan Course chhuakte hnenah Certificate hlanna a nei a ni.
Certificate hlante hi Adventure Course, Rafting and Canoeing Course leh Basic Adventure Camp te a ni.
Adventure Course hi ni 15 chhung State Adventure Training Centre, Vaipuanpho-ah neih a ni a, SYS hnuaia register Adventure Club member mi 29 hnenah certificate hi hlan a ni, Adventure Course hi Mizorama Adventure Certificate Course sang ber niin Adventure sports tana thil tul leh pawimawh zawng zawng zirna course a ni.
Rafting & Canoeing Course hi Chhimtuipui lui-ah ni 10 chhung neih niin, lawng kar dan, lawng ven dan leh inchhanchhuah dante zir in, Adventure Club member min 28 ten certificate an dawng a ni.
Basic Adventure Camp hi State Adventure Training Centre, Vaipuanpho-ah neih niin Adventure bul tanna camp a ni a, Adventure Club member 20 ten certificate an dawng bawk a ni.
