NSS Unit, Red Ribbon Club & Women Cell , Govt Serchhip College te bultumin ‘*National Girl Child Day 2022’ hman ani .
Vawiin Date 24th January, 2022, hi National Girl Child Day niin, ramchhung hmundangah te a rualin mart Class Room, Govt Serchhip College, Academic Building ah ‘Empowering Girl Child in our Society’ tih thupui hmangin Programme hman ani
He hun hi Pu C Lalramliana, Programme Officer,NSS Govt Serchhip College in kaihhruaiin,he hun a Khuallian PC Lalremsiama,Principal Govt Serchhip College chuan thusawiin, Hmeichhiate dikna leh chanvo humhalh a chawisan chu Sawrkarin a ngaih pawimawh thute, hnualsuat theih anihloh thute sawiin, Pathian min siamdan phungah hmeichhia ten an nihna tur ang(Nature)a an nun chhuah mai thu leh chutihlai erawh chuan mipa tamtak pasal tlak loh,an dinhmun luah zo lo an awm choh tan thute sawiin,sawrkar inrelbawlna leh eizawnnakawng hrang hrangah sulsutu ah hmeichhiate an awm ta chu lawmawm a tih thu a sawi bawk.
He huna Resource Person F Lalengzauvi, Chairman Women Cell, Govt Serchhip College chuan Programme thupui ‘Empowering Girl Child in our Society’ chungchang sawiin, India rama Hmeichhiate dinhmun chawikanna/san na tur BBBP chu Kum 2015 khan India Prime Minister zahawm tak Pu Narendra Modi’an a lohawn tawh thute, Beti Bachao Beti Padhao.(BBBP)-‘Save the Girls,Educate the Girls ‘ Programme hnuaiah hain India rama hmeichhia te dinhmun chawisanna tura hmalak chhoh mek anih thute, Mizo Society a Hmeichhiate hlutna leh an dinhmun pawimawhna hrang hrangte a sawi bawk.
Vawiin a National Girl Child Day 2022 Programme ah hian Govt Serchhip College a NSS Volunteers hmeichhia te zingah,anmahni hma zawn theuh a mibik, Mi 5 te hnenah Chawimawina Thuziak(Citation) hlan niin, Chawimawina Thuziak dawngtute zingah hian thla nga(5) mi lek a nih lai , hridanna (Vaccine) a lakna that loh pui a, vawiin thlenga Rualbanlo a awm ta, amaherawhchu, rualbanlo chung leh harsatna tamtak kara zirna chhunzawm ve hram hramtu Zosangliani, D/o Lalrinmawia Thenzawl ,4th Sem ,BA zirlai pawh a tel ani.
He hunah hian hmeichhe zirlai naupang engemaw zat bakah zirtirtute telin, Dr C. Vanlallnghaka'n lawmthu sawiin hun a khar a ni.
