Ni 14.3.24 (Ningani) hian NCC North East Region  Directorate Awarding Ceremony, Brahmaputra Hall, Narangi Cantonment, Guwahati ah neih a ni a. He hunah hian Northeast Region huam chhunga  NCC cadets, ANO, Girls Cadet Instructors (GCI), PI Staff leh Institutions ti ṭhate chawimawina hun buatsaih a, he hun hi NCC a India rama NCC hotu lian ber, Director General Lt. Gen. Gurbilpal Singh, PVSM, AVSM, VSM in a hmanpui.  Category hrang hrang awm atangin lawmman hi Mizoramah Best ANO(Male)  Flying Officer  Dr Lalrintluanga Sailo, Govt Serchhip College in a dawng a, Best ANO (Female) ah Third Officer R Vanlaltanpuii, St John Higher Secondary School Kolasib thlan a ni bawk.

Mizoram aṭanga zirna in, te zingah  Best College dawngtu chu Govt T Romana College a ni. He hun ah hian T Romana college Principal, Dr Jennifer Lalbiakdiki in  Best College lawmman hi a dawngin, School ah lawmman sang ber Best School in Mizoram-ah St John Hr Sec School chu thlan a ni bawk.