Panchkula, Haryana-a neih Khelo India Youth Games-ah Lawngtlai tleirawl Rudy Lalhmingmuani chuan final a lut a, vawiin hian Isha Gurjar, Rajasthan nen gold medal an inchuh ang. Khelo India-ah hian Mizo boxer zingah gold medal la an la awm lo a, Rudy tan mellung thar ziahna remchang a awm.

Light Welter (60-63kg)-ah Rudy hian  pre quarterfinal-ah Khushi, Haryana a hneh a, Inrinni khan quarterfinal-ah Komal Dhami, Uttarakhand a hneh a leh bawk. Final lut turin Lawngtlai tleirawl hian nimin khan M Swetha, Tamilnadu chu unanimous decision (5-0) in a hneh leh a, gold medal la thei dinhmunah a ding. 

Mizo mipa boxer Zorammuana (Tuipui), Franky Vanlalruatpuia (Lunglei) leh Lalnunzira (Lunglei) ten pre quarterfinal an paltlang lo. Hmeichhe boxer Ruthi Lalhming\hai (Reiek) leh Naom Chinsangnuam (Chaltlang) te bakah Mipa boxer Laldinsanga (54 kg) leh Vanlalhuala (80 kg)  ten quarterfinal thleng mah se semifinal an thleng thei ta lo.

Mizoram boxing team hi SYS coach pahnih R. Labiaksangi (manager) leh Lalfakzuala (coach) ten an hruai a ni.