Pu K.Lalliantluanga, Cubmaster. 1st.Bn.MAP English Medium School
Pathian leh kan ram tan (To do my duty to God and my Country) tia thuthlung vuana, tha leh zung senga hun I hman mek laiin, natna khirh leh chimawm tak maiin harsatna asiam che tih kan hriatlai pawh khan, I taksa chakna tur leh damchhuah leh tuma I chakna zawng zawng isawmkhawm laite, nangmah enkawltu damdawiin a thawktute pawh theihtawp an chhuah ziate kan hriat khan, kan beiseina chuan hlim leh lawm takin kan inhmu leh ngei ang tiin kan suangtuahna chuan kan lo thlir reng mai che a, damdawiin atangin ilo chhuak ve nachung khan, khawvel tan hmelma lian leh tihbaiawm tak natna chuan alo luh chhuah hman nasat zia che han hriat hian min va ti na teh lul em! Hetiang em em hian a ni maw, he natna hrik hi alo nunrawn.
Mite tan malsawmna duh a I theihna leh ichakna I hlanna chu nangman I thihchilh ta zawk hial a ni hi maw. Mahse, hetiang em em tur hi chuan kan ngai phal lo che asin aw. Miin harsatna an tawh ihlauh em em avangin chhun leh zan pawh sawi hlei thei lovin hun ihman thin hi khawtlang leh ram hian a theihnghilh phal ngai lo ang che.
Mizoram Bharat Scouts & Guides in kan fachuam, Aizawl khawpuiah Cub pack Unit kan neihthatna a ni niin kan ngaihlu chein kan chhuang em em che a, I hlimthla chauh kan chantawk a ni ta ringawt mai. I Cub pack (naupangte) hrilhhai dan tur leh ithawhpuite an hawihai turte mai bakah I hmunruak hi ava zau dawn ve le .
Natna leh Lusun mangan awm tawh lohna hmunah chatuanin I chawimawi thin hnenah hlim takin fakna hla min sak khalh dawn ta bik hi I thikawm hle zawk mai.
- Lalngilneia Colney, Youth Welfare Officer. SYS
