DR LALROZAMA IAS SECRETARY, SPORTS & YOUTH SERCIVES DEPARTMENT IN NSS VOLUNTEER-TEN WORKSHOP ON SWACCHATA(CLEANLINESS) AN NEIH A HMANPUI
Dr Lalrozama IAS Secretary Sports & Youth Services Department chuan Aizawl khawpui chhunga Zirna In hrang hranga NSS volunteer leh PO ten Workshop on Swacchata ni 4.5.2022 (Wednesday) a Synod Conference Center Sikulpuikawn a an neih a hmanpui. Aizawl khawpui chhung Higher Secondary School hrang hrang atangin NSS Programme Officer leh Volunteer 100 vel he Workshop ah hian an tel thei a ni.
Dr Lalrozama IAS chuan NSS volunteer ten vangtlang hmun pawimawh - Institutions, Bazar, kawngpui, luidung, Damdawiin leh Field te an thian fai thin chu fakawm a tih thu a sawi. Vawiin a faina chungchang workshop pawh hian a hmalak leh zelna tur atan thil tangkai tan an zir chhuah ngei a beisei thu a sawi bawk a ni.
Dr Zirlianngura State NSS Officer chuan kum 2021 -2022 chhungah NSS hmalakna hrang hrang te a sawi a, hetiangin –
I : Covid -19 hrileng chungchanga NSS Hmalakna thenkhat te:
1. Covid -19 hrileng avangin mi tam tak thisen pe thin ten an pek a remchang loh chhung zawngin Aizawl leh district head quarter blood bank awmna-ah thisen pek an kalpui reng thin. Kum 2021-2022 chhungin NSS volunteer ten a thlawnin thisen unit 3215 lai kan pe a ni. Hetiang tak hian NSS Volunteer ten thisen pek hi kalpui lo ta se, dam lo tam takin an mamawh hunah tak thisen an dawng thei lo mai thei a ni.
2. Covid-19 hrileng avangin chhungkaw tam takin an eizawnna an chan phah a, chumi avangin NSS units eng emaw zatin chhungkaw harsa zawk te tan ei tur chi hrang hrang – Alu , dal, salt, sugar, artui, biscuit leh pawisa fai an khua local level task force/ village level task force te kaltangin an pe.
3. Covid-19 laka kan lo him theihna turin Covid -19 vaccines chu India ram hmun dangte rualin Mizoram ah pawh pek chhuah a ni a Heng vaccine an pek chhuakna hmunah hrang hrangah NSS volunteer te an duty a. Vaccine la tura lo kal te hming an lo ziak zel a, vaccine pekna tur hmunah an hruai a, thermal scanner hmangin an khawsik leh sik an lo en a, Chubakah vaccine center a physical distancing tha taka zawm a nih theih nan health care worker te an pui bawk a ni.
II : Others:
1. Kumin chhungin thingkung 2540 vel phun thar a ni a, kum hmasa lama thing phun sa 4000 vel enkawl zui a ni bawk.
2. Mizoram hmun hrang hrangah vantlang tan Zun in, waiting shed leh tuikhur eng emaw zat siam a ni bawk. Hengte hi vantlang mipui te tan an tangkai hle a ni.
3. Vantlang hmun hran hrang te - Damdawiin in, Institution, Kawngpui, Bazar te NSS volunteer ten tum 100 chuang lai tifaiin hnatlang an nei a.
III : About today’s workshop
Mr Lalengkima Asst. Professor St. Xavier’s College Lengpui chuan Faina chungchangah NSS volunteer leh PO te zirtirna a nei a. NSS volunteer ten faina chungchangah hlawk zawk leh tha zawh a hma an lak dan tur an zir ho. Group ah te in thenin, hmalak zel dan tur an rel a ni.
