India ram sawrkar chuan ni 13-19 December 2021 hi Victory Week atan a puang a. Hemi a puanna chhan hi kum 1971 ah Pakistan nen an indona chakna a chan hriatrengna leh, kum 50 a tlinna chiah a nih vang a ni. Victory Week i hi India ram hmun hrang hrangah a theih ang ang lawmna nei turin India sawrkar chuan min beisei e.  GOI atanga thupek kan hmuh angin, vawiin ah NSS volunteers, Mizoram Institute of Comprehensive Education (MICE), Venghlui Aizawl te chuan War Memorial,Treasury Square Aizawl a mi chu a tifaiin an hnatlang an nei a. NSS volunteer leh POs 20 vel an thawk chhuak a ni. Tin, NSS volunteers, Baptist Higher Secondary School Serkawn a mi te pawhin 50th Anniversary of 1971 War pualin Seminar an nei a. Chutah chuan Major Johny Malsawmsuala (Rtd), District Sainik Welfare & Resettlement Officer Lunglei chu Resource Person a tan hman a ni. Anni hian kum 1971 War lo awm chhan, he Indona a thil thleng hrang hrang te a sawi a. Chubakah, India ram Inpumkhatna leh himna atan India Army te hna thawk chi hrang hrang a sawi bawk a ni. Zirlaite tan  India Army an zawm theih dan tur leh, hamthatna awm thei chi hrang hrang a sawi bawk a ni. Zirlai leh PO 40 te he Seminar hi hlawhtling takin an tel thei a ni.